Nýjustu fréttir af sumarævintýrinu

Sæl öll

Vildi leyfa ykkur að heyra smá hvað planið er í sumar en margt er í sigtinu.

Heyrði frá Kristínu og Birni og ætla þau að bóka Furufjörðinn á næsta ári (2008) þar sem Björn þarf að kynna sér svæðið í sumar svo hann verði vel fróður um aðstæður og gönguleiðir þegar við mætum á svæðið :D

Bústaðurinn hennar Helgu í Stakkadal er enn inn í myndinni og er líklega laus þessa daga sem við töluðum um.

Veit ekki með Horn þar sem ég hef ekki heyrt í Söndru um það og veit ekki hvort Sandra er með eitthvað í pokahorninu en hún skellir líklega inn upplýsingum um það fljótlega ef hún hefur eitthvað í sigtinu.

Svo er það nýjasta sem Helga Sigríður var að stinga upp á við mig á MSN og mér líst rosa vel á. Það er Reykjafjörður en sjá má umfjöllun hér. Það er líklega hægt að leigja bústað þarna sem við erum að skoða en svo er líka tjaldstæði. Þarna er allvega geggjuð sundlaug og stórkostlegt umhverfi (eins og reyndar allstaðar á þessum slóðum).

Hvað segið þið, hvað leggst vel í ykkur?

Leikhus hittingur

Halló halló allir.
Fyrst af öllu langar mig að þakka Söndru fyrir að setja af stað umræðuna um ferðina í sumar. Mikið verður gaman. Ég er búinn að heyra í mörgum og allir eru voða spenntir. Húrra fyrir því.

Annað: Okkur Söndru Dís og Þórey datt í hug að það gæti verið gaman að taka smá forskot á sæluna og fara í leikhús saman. HIttast í einn bjór smá á undan og fara svo og hlægja svolítið - vera soldið gramourus, ekki satt?

Auðvitað förum við á leiksýninguna mína. Hún er í Borgarleikhúsinu og heitir Elíf hamingja. Hægt að lesa nánar um hana á vef Borgarleikhússins. Verkið hefur fengið frábæra dóma og verið uppselt á allar sýningar hingað til. Getið meðal annars lesið dómana á síðunni í Borgarleikhúsinu.

Við stingum uppá að við skellum okkur 11. mars klukkan 22:00. Allir sem eru hjá Glitni fá miðann á 2 - 1. Þeir sem eru ekki hjá Glitni gætu haft samband við mig og ég fiffað eitthvað gott verð, jafnvel bara sama verðið. Mörg okkar hafa þegar bókað miða en síminn í miðasölunni er 5688000.

Vonandi koma sem flestir. Set inn nánari upplýsingar um fyrirhitting þegar nær dregur.
Góðar stundir,
Greipur - not the slimmest one.

..gönguskór og fleira

Jæja krakkar.. Nú fer sól hækkandi á lofti og auðvitað þýðir það bara eitt.. Það styttist í nýja gönguferð á Hornstrandir hjá gönguhópnum skinny :) hehe

Síðastu ferðir hafa verið hver annarri betri.. og nú er svo komið að það verður MJÖG erfitt að toppa síðustu ferð!! En við gerum okkar besta :)

Nú vantar mig skoðanir hérna..
1. Hvert viljið þið fara?
2. Hvenær viljið þið fara?

Þær hugmyndir sem komu fram að Horni sl sumar voru mjög góðar..
1. Að fara í Furufjörð. En það er auðvitað háð því að Björn Arnór vilji vera svo góður að fá okkur... En ef það gengur ekki upp þá getum við auðvitað farið aftur á Horn (mitt og Kristínar) eða í Stakkadal í Aðalvík(Helgu Sigríðar), sem væri líka nottla bara gleði.
2. Þriðja helgin í júlí hefur verið vinsæl hjá okkur, núna verður hún 20.-22.júlí.. persónulega finnst mér það kreisí dagsetning :)

En endilega komið í glamúrinn og gleðina :)

Edda María, Helga Sigríður, Greipur, Edda Katrín, Elín, Össi, Birna, Kristín Þóra Júdit, Björn Arnór, Þórey, Svanlaug, Kristján Ketill, Inga Ósk, Alli, Anna Soffía, Lísbet, Kalli, Mark, Viveka, Harpa, Gylfi.. og þið öll sem hafið komið eða langar að koma norður, endilega segið ykkar skoðun :)

Kveðja
Sandra Dís

"Lífið er söngur, glamúr, gaman.."

Að slimmy ferð afstaðinni..

OMG hvað þetta var æðisleg ferð krakkar! Ég pungsvitna við hugarflug aftur til Hornvíkur.. Þetta var ótrúlegt, það bara gjörsamlega gekk allt upp, hvernig er það hægt? Ég bara spyr!
Nú er bara að setja upp myndasíðu þar sem við getum sett inn allar myndirnar.. Hehe treysti á tölvudjörkana í þeim málum! En smá forskot..



Skemmtilegt "skilti" í Látravík


Engu líkara en að Helga og Edda séu photoshopaðar inn á Hornbjargið þarna..


Ótrúlega flott að labba upp fyrir þokuna og horfa á fjallstoppana (tekið úr "Almenningum")


Vanur maður í hverju horni!


Nestispása og bleyjuskipti á Miðfelli. Hornbjarg úr djúpinu rís (Ási í Bæ) í baksýn!

Vil að lokum þakka svo stórt fyrir frábæra ferð :)
Þið eruð æði
Sandra Dís

P.s. Það er rosa flott grein í Mogganum í gær (sun. 30.júlí) á bls. 10-12, um lífið á Horni (fyrr sem nú!).. Þar getur m.a. að líta útsýnið, sem við misstum af, uppi á Kálfatindi!!

Tæpir 2 dagar í brottför :)

Það er bara allt að verða vitlaust yfir ferðinni okkar á Horn.. Líkt og aðrir, tóku Ofurkonur alveg rífandi vel í hugmyndina á æfingu áðan og ætla ekki að láta sitt eftir liggja í ferðinni. Á staðnum var meira að segja nánast plönuð flugferð ÍFJ-HHA (Höfn í Hornvík Airport)! Það verða sem sagt líklega 3 ferðir til að flytja hópinn frá Ísafirði:
1) Fim 27/7, kl.9, bátsferð í Veiðileysu.
2) Fim 27/7, kl.22 (líklegasta tímasetningin), bátsferð í Veiðileysu.
3) Fös 28/7, ?kl.18, flugferð í Hornvík.

Öruggt far er fyrir alla heim á sunnudeginum, bátsleiðina, hvort sem þeir vilja fara í bátinn í Hornvík eða labba yfir í Lónafjörð og taka bátinn þar.

Jóna Ben var svo góð að taka slatta af búsi fyrir okkur í Hornvíkina í gær.. ;)

En fyrir þá sem ekki vita þá verða sameiginlegar máltíðir á fös- og laukvöldinu, fyrir það þarf að leggja 1.000 kr inn á reikninginn minn, númerið er: 0311-26-090782-0907824449. Við Helga Sigríður ætlum að hittast heima hjá henni á morgun kl 4 og ákveða matinn og fara svo og kaupa, þeir sem vilja leggja okkur lið og/eða koma með gómsætar hugmyndir endilega mætið eða hafið samband við okkur (síminn minn er 867 9921 og Helgu 844 6251)... eða bara kommenta hér á síðuna!

Fyrir þá sem ætla að leggja af stað að kvöldi fimmtudagsins vil ég minna á að fara ofarlega yfir ána í Hornvík (þar sem á víst að fara yfir hana..) en ekki niðri við ós því að það er háflóð um kl 03 og þá er ósinn "mannhæðardjúpur".. Fyrri hópurinn getur hins vegar farið yfir ósinn því það verður háfjara um kl 15..
Þetta hef ég eftir veðurspegúlöntum í Æðey! :)

Svo er auðvitað skylda að koma með óvæntan glaðning.. minn er kominn í bakpokann! Ég verð nú samt að segja að óvæntasta óvænta glaðninginn á Jens ennþá, páskaeggin hans á Horni 2004 vöktu eindæma lukku.. hehe :)

Minni á að það er pláss fyrir fullt af skemmtilegu fólki í viðbót.. og auðvitað skemmir það ekki fyrir að það sé karlkyns , hehe sérstaklega þar sem konur virðast vera í miklum meirihluta..!!

Knúspoki
Sandra Dís

Sumarbústaðarferð að Horni

Sæl öll

Það er að koma lokamynd á ýmis smáatriði varðandi ferðina okkar en farnar verða tvær ferðir á fimmtudaginn 27. júlí.

Ferð 1
KL 9:00 frá Ísafðirði í Veiðileysufjörð með Jónasi verð. 3.800

Ferð 2
Um kvöldið frá Ísafirði í Veiðileysufjörð með einhverjum (ýmsir koma til greina) verð ??

Þeir sem eru að fara eru, Fyrri ferð: Edda María, Alexíus, Sandra Dís, Greipur, Kristján, Össur Pétur, Svanlaug??. Seinni ferð: Helga Sigríður, Elín Marta, Birna, Edda Katrín, Kristín Þóra, Björn Arnór. Ef ég er að gleyma einhverjum, eða fara með vitlaust, endilega látið vita.

Það verða tvær sameiginlegar máltíðir, föstudags- og laugadagskvöldið og mun Sandra Dís sjá um að versla það og koma í áætlunarferðina sem er á fimmtudagsmorgni kl 10. Planið er að hafa holusteik og svo hamborgara og áætlum við að hver muni borga 1000 kr á mann fyrir það, og byð ég ykkur því að millifæra helst í dag á Söndru Dís.

Varðandi heimferðina, þá mun Jónas koma í hornvík um hádegi á sunnudag ef einhverjir vilja losa sig við farangurinn sinn eða fá far þaðan, þá er það hægt, Aðrir geta labbað í lónafjörðinn og látið sækja sig kl 8 um kvöldið þar. Sama verð er fyrir báða staði eða 4.200. Annars skilst mér að það sé einnig áætlunarferð á mánudeginum.

Varðandi farangur, þá þarf fólk að taka með sér morgunmat fyrir 3 daga og bara kvöldmat fyrir fimmtudaginn ef það kemur um morguninn. Mæli með að fólk pakki létt,og er nauðsynlegt að hafa með regnföt og hlý föt. Góðir gönguskór er kostur. Ef einhverjar spurningar eru þá endilega hafið samband.

Hornstrandir 27. júlí - 30. júlí.

Sumarbústaðurinn að Horni

Jæja, þá er komið að því. Búið er að skella upp ferðaáætlun fyrir hina árlegu hornstrandarferð sem nú er heitið í bústaðinn að Horni. Hér að neðan er gróflegt ferðaplan en það gæti breyst eitthvað eftir fundinn sem verðu á langa manga á Ísafirði á mánudaginn kl. 20:00. Þar verður rætt um hvort við munum mögulega leggja af stað upp úr hádegi á fimmtudeginum frá Ísafirði ef það hentar fleirum en einnig verður að öllum líkindum önnur ferð farin seint á fimmtudeginum eða jafnvel á föstudeginum, en það ræðst allt á fundinum á mánudagskvöld og fer eftir hljóðinu í fólki og hversu margir ætla að fara. Hér er allavega aðalplanið....endilega kommentið ef þið viljið koma með, það eru allir velkomnir og nóg svefnpláss :)


Fimmtudagurinn 27. júlí

Farið verður frá Ísafirði kl 8:30 og haldið til Veiðileysufjarðar. Þaðan verður gengið yfir í hornvík í sumarbústaðinn.

Veiðileysufjörður - Hornvík - um Hafnarskarð. Úr botni Veiðileysufjarðar er farið um Hafnarskarð (519 m). Fáar vörður eru á leiðinni upp í skarðið en vel er varðað úr skarðinu niður í Hornvík og svo að bústaðnum á Horni (4-6 klst.)



Föstudagurinn 28. júlí

Á föstudeginum verður farin dagsferð að hornbjargsvita og að hornbjarginu sjálfu.

Hornvík - Hornbjarg. Gengið er fyrir víkina að Hafnarósnum. Þegar yfir ósinn er komið er haldið út með fjörunni á nyrsta hluta bjargsins og á Miðfell. Brattkleifir geta lagt leið sína á Kálfatind (534 m), hæsta hluta bjargsins, og virt fyrir sér tindinn Jörund (6-8 klst).



Laugardagurinn 29.júlí

Afslöppun og önnur afþreying. Skinny dipping...

Sunnudagurinn 30. júlí

Heimferð verður á sunnudeginum og er áætlað að koma í lónafjörðinn um kl 8 að kvöldi.

Hornvík - Lónafjörður. Fyrst er gengið fram hjá Hafnarbænum og áfram inn undirlendi Hafnar með brekkurótum. Fljótlega er gengið um miklar bæjarrústir rétt áður en komið er að Víðirsá sem er fallegt vatnsfall með mörgum fossum frá brún og niður á láglendið. Áfram er haldið inn með hlíðarfótunum þar til komið er að lítilli á sem rennur út á láglendið úr gili. Í um 450 m hæð er komið á hjarnskafl sem ekki leysir árið um kring og er hann skáskorinn og nú er stefnt í skarðsbrekkuna þar sem skaflinn nær styst upp í hana undir miðju skarðinu og má segja að alltaf sé stefnan sú sama. Þegar upp í skarðið er komið er 587 m hæð náð og hið besta útsýni bæði norður og suður af. Í norðri blasir Hornvíkin við og Hornbjarg með skörð sín og tinda og ber við Dumbshaf. Í Rangalaskarði er farið yfir hreppamörk Grunnavíkur- og Sléttuhrepps. Ofan úr Rangalaskarði er haldið úr skarðinu austanverðu og farið niður á við til vesturs í einum sneiðingi og er afar bratt. Hægt er að fara úr Rangala út með Lónafirði að vestan og er sú leið greiðfær eftir fjöru. Þá er komið að eyðibýlinu Kvíum sem fór í eyði árið 1948 og var eini bærinn í Lónafirði. Er þar enn hið reisulegasta íbúðarhús, tvílyft steinhús á kjallara. ( 8 klst)